ماذا يجب أن تتعلم قبل تعلم إطار العمل لارافيل؟

يعتبر إطار العمل لارافل من أفضل وأشهر إطارات العمل، كما أنه يتميز بكونه يضم مجموعة من الحزم التي تساعد المبرمجي بناء مشاريع ذات جودة عالية، لكن ماذا ستحتاج قبل البدأ في تعلم لارافل؟ هذا ما سيكون موضوعنا لليوم.

ماذا نحتاج لتعلم لارافل؟

حكينا من قبل بمقالة سابقة عن لارافل و عن الفرق بينو و بين ال php و عرفنا من خلالها انو لارافل هو اطار عمل مبني بلغة php و ليس لغة برمجة فمن الطبيعي لحتى اتعلم لارافل انو كون بعرف اساسيات لغة php من متغيرات و حلقات و مصفوفات ( اساسيات اي لغة برمجة)، لازم نكون متعمقين بشكل كبير باللغة حتى ما نتعذب وقت نتعلم لارافل، اذا منتعلم 100% من php بكون كتيير ممتاز لان متل ما عرفنا انو لارافل مبنية على عاللغة، تاني شي لازم نكون نعرف البرمجة غرضية التوجه OOP اختصار ل Object Orented Programming ، تالت شي اللي هو MVC اختصار ل Model View Controller حكينا بالمقالة السابقة انو لارافل مبنية على اساس ال MVC.

الأدوات لازم للبدء في تعلم لارافيل

ممكن حدا يسأل شو الادوات اللي منحتاجها لننزل اول مشروع النا:

اكيد رح نحتاج سيرفر محلي حتى يتنفذ الكود معنا بشكل صحيح من اشهر السيرفرات ( برنامج xampp أو برنامج wampp)، واكيد رح نحتاج لمحرر اكواد لنكتب الكود عليه افضل محرر ممكن نستخدمو هو Phpstorm لان هاد المحرر مخصص للغلة php طبعاً هالشي ما بيمنعنا انو نشتغل عال VS code او sublime كل حدا ممكن يرتاح لمحرر اكواد معين.

اخر شي ممكن نحتاجو هوي ال composer من خلالو ممكن حمل اول مشروع لارافل و هو رح ينزل كل الملفات المتعلقة بالمشروع بشكل متناسق من خلال التعليمة اللي حكينا عنها وقت تحدثنا عن كيفية إنشاء مشروع لارافل.

و هيك منكون حكينا عن اهم الشغلات اللي منحتاجها و اهم الادوات اللي ممكن تلزمنا لنبني و نبدأ بتعلم بأول مشروع النا بلارافل.